Sa Kabila Ng Paalam
(basahin paibaba)
Hindi na kita babalikan,
Huwag ka maniniwalang
May pag-asa pa sa atin!
Pakinggan mo ito;
Ang nais ko talaga'y,
Magpakalayo-layo sa 'yo,
Wala naman akong balak na,
Mag-usap tayo para dito,
Hindi na kita mahal!
Huwag ka maniwalang
Magsasama pa tayo habang-buhay,
Kinalimutan na kita,
Walang katotohanan ang narinig mong
Minamahal kita hanggang ngayon,
Hindi ko na kayang magpanggap pa!
(basahin paitaas)
