Tugmaang Og
Tugmaang Og Ni Jay Recitas Burayag
Sa aking pagtulog, Mundo ko'y muling iinog, Dibdib na kumakabog, At parang mahuhulog, May mga tunog na gaya ng mga kulog, 'Pagkat tugmang nagbabanggaan ay sumasabog, Mga titik ay lumalabas kapag nabubulabog, Nalilikha nitong isipan kahit umaalog, Mahimbing sa paglakbay kahit nauuntog, Ako'y dumadalaw sa iba't-ibang bantayog, Binabalikan alaala ng mga bantog, Maging ang panitikan ng mga magsing-irog, Aking nasasaksihan kanilang pagtatagpo sa gilid ng ilog, 'Tulad ng pagsinta sa bulaklak ng taimtim na bubuyog... —Tugmaang Og, TumblrWritings 2017
